Við rændum Donna Kristjáns (án djóks)

Tuttugasti og níundi þáttur er kominn í loftið en að þessu sinni mættu vinirnir Tommi og Donni Kristjáns þeim Kristjáni og Inga í frábærum þætti. Við reyndum að fylla höfuð Donna af fróðleik áður en hann flaug á EM í handbolta í Þýskalandi sem stendur nú yfir. Ekki missa af þessum frábæra þætti og nýjum breytingum sem urðu á fyrirkomulagi þáttanna. Breytingarnar eru:

• Flokkaspurningum fækkað úr 20 í 18 en flokkurinn „Manneskjan” var felldur niður og efni þess flokks færður yfir í flokkana „Náttúra” og „Vísindi.”

• Bjölluspurningum hefur verið fækkað úr 10 í 8.

• Vægi Textabókarinnar hefur nú verið aukið úr 8 stigum í heildina í 12 stig. Þ.e.a.s. 8 stig fást fyrir að þekkja annað hvort titil lags eða flytjanda en 12 stig fyrir bæði.

• Þríþrautin er nú orðin að fimmþraut til að gera lokaliði keppninnar meira spennandi. Nú eru spurningarnar fimm en ekki þrjár og í staðinn fyrir að þemað sé tilkynnt í upphafi spurningarliðarins að þá er þemað nú falið og fást 8 auka stig ef keppendur ná að giska á þemað.

Þú finnur Trivíaleikana einnig á Spotify, Apple Podcasts, Vísi, Mbl, Google Podcasts og víðar. Trivíaleikarnir er íslenskt spurningahlaðvarp sem færir pöbbkviss-stemninguna heim til þín, hvar sem þú ert og hvað sem þú ert að gera. Keppninni er skipt upp í mismunandi spurningaflokka þar sem tvö tveggja manna lið keppast um að svara spurningum og safna sem flestum stigum. Hlustaðu á nýjasta þáttinn hér að neðan.